Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 13 տարի առաջ - 2011-02-23 02:43
Սպորտ

Մրցակիցները հայտնի են

Մրցակիցները հայտնի են

Ինչպես արդեն տեղեկացրել էինք, փետրվարի 22-ից մարտի 5-ը Լիլիթ Մկրտչյանն ու Էլինա Դանիելյանը կմասնակցեն ՖԻԴԵ-ի կանանց Գրան պրիի 6-րդ փուլին, որը կկայանա Դոհայում (Քաթար):

 

Արդեն հայտնի են մրցակիցները. Լիլիթ Մկրտչյանը և Էլինա Դանիելյանը սև խաղաքարերով կհանդիպեն, համապատասխանաբար, Պիա Կրամլինգի (Շվեդիա) և Մարի Սեբագի (Ֆրանսիա) հետ: Այդ մասին տեղեկացնում է ՖԻԴԵ-ի պաշտոնական կայքը:

 

Հիշեցնենք, որ այս մրցաշարով ավարտվում է շախմատի կանանց Գրան պրիի խաղարկությունը: Ընդհանուր հաշվարկով` առաջին տեղը ժամանակից շուտ զբաղեցրել է աշխարհի ներկայիս չեմպիոնուհի Հոու Յիֆանը: Աշխարհի թագի համար նրա հետ պայքարելու իրավունք կստանա Գրան պրիի ցուցակում 2-րդ տեղը զբաղեցրած շախմատիստուհին: Առայժմ լավագույն արդյունք ունի Նանա Ձագնիձեն` 390 միավոր: Նրան հաջորդում է ռուսաստանցի Տատյանա Կոսինցևան (383,3), վերջինս չի մասնակցում Դոհայի մրցաշարին: Հնդիկ շախմատիստուհի Համպի Կոներուն ունի 323,3 միավոր:

 

Էլինա Դանիելյանն ընդհանուր հաշվարկով վաստակել է 223,3, իսկ Լիլիթ Մկրտչյանը` 213,3 միավոր, ուստի նրանք հնարավորություն չունեն պայքարելու 2-րդ տեղի համար: Մեր շախմատիստուհիներն, ըստ երևույթին, պետք է բարելավեն իրենց վարկանիշները:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը