"Ալաշկերտ"-ը ուսումնամարզական հավաք կանցկացնի Անթալիայում

Հունվարի 19-ից փետրվարի 3-ն Անթալիայում կայանալիք ուսումնամարզական հավաքի ընթացքում «Ալաշկերտ»-ը երեք ստուգողական հանդիպում կանցկացնի: Դրանք տեղի կունենան հունվարի 24-ին, 29-ին և փետրվարի 2-ին. հաղորդում է ակումբի պաշտոնական կայքը:

«Ալաշկերտ»-ի առաջին մրցակիցը Հարավային Կորեայի հնգակի չեմպիոն «Պոհանգ Ստիլլերս» ակումբն է:

Մեր թիմի հաջորդ մրցակիցը կլինի Լեհաստանի` 2010 թ. գավաթակիր և Սուպերգավաթակիր «Յագիելոնիան»: Այժմ Լեհաստանի «Էքստրակլաս»  դիվիզիոնի առաջնությունում ձմեռային դադար է, և Բելոստոկ քաղաքը ներկայացնող «Յագիելոնիա»-ն 16 թիմերի մրցակցությունում զբաղեցնում է 8-րդ տեղը:

«Ալաշկերտ»-ը հավաքը կավարտի Մոնտենեգրոյի Գոլուբովցի քաղաքի «Զետա» թիմի հետ հանդիպումով: «Զետա»-ն մեկական անգամ նվաճել է ոսկե, արծաթե և բրոնզե մեդալներ և այժմ 12 թիմերի մրցակցությունում զբաղեցնում է 6-րդ տեղը: