ԴԱՀԿ-ն աճուրդի է հանել ատամի մածուկ՝ խոզանակով. «Ժողովուրդ»

«ՀՀ արդարադատության նախարարության դատական ակտերի հարկադիր կատարման ծառայությունը աճուրդի է հանել ատամի մածուկ՝ խոզանակով սանր, պայուսակներ և այլն։ Սակայն այս աճուրդում ուշագրավը վաճառվող ապրանքների ծագումն է։ Բանն այն է, որ աճուրդի հանված ապրանքները «Հայկական Ավիաուղիներ» մակագրմամբ են և թվագրված են 2000 թվականով։ Աճուրդի հանված հավաքածուն իր մեջ ներառում է նաև քնելու համար նախատեսված դիմակ, կոշիկի թիակ, մեկ զույգ ցանցավոր գուլպա։

Նկատենք նաև, որ այդ ապրանքները օգտագործվում են միայն ինքնաթիռներում՝ երկար չվերթների ժամանակ։ Այս պահին ԴԱՀԿ-ի կողմից աճուրդի հանված «թանգարանային նմուշները» 4000 հատ են և վաճառվում են մեկ ամբողջական լոտով իսկ ընդհանուր արժեքն է 10 մլն 200 հազար դրամ։ Հիշեցնենք, որ դեռևս 2000 թվականից սկսվեց «Հայկական ավիաուդիներ»–ի մասնավորեցման գործընթացը, ի վերջո, այդ ավիաընկերությունը 2002– ին սնանկացավ իսկ ազգային փոխադրողի լիցենզիան տրվեց «Արմավիային», որը սնանկացավ 2013-ին»,–գրում է թերթը։

Մանրամասները՝ թերթի այսօրվա համարում։