Շատ տխուր եմ Ֆրանսիայում տեղի ունեցածի համար. Հենրիխ Մխիթարյան

Գերմանական Բունդեսլիգայի 13-րդ տուրում Դորտմունդի «Բորուսիա»-ն արտագնա խաղում մրցելու է «Համբուրգ»-ի հետ: Այսօր տեղի ունեցած նախախաղային ասուլիսին մասնակցել է նաև Հայաստանի ազգային հավաքականի կիսապաշտպան Հենրիխ Մխիթարյանը:

«Շատ տխուր եմ Փարիզում տեղի ունեցած ահաբեկչության համար, սակայն պետք է կենտրոնանանք ֆուտբոլի վրա: Թիմում տրամադրությունը բարձր է: Կարծում եմ, որ մենք պատրաստ ենք հանդիպմանը: Անցած տարի Համբուրգում կայացած հանդիպումը հաջող չստացվեց մեզ համար: Վաղվա հանդիպումը մեզ համար շատ կարևոր է»,- ասել է Մխիթարյանը:

Հիշեցնենք, որ հանդիպումը տեղի կունենա նոյեմբերի 20-ին` Երևանի ժամանակով  23:30-ին: