Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 9 տարի առաջ - 2015-11-09 19:46
Քաղաքական

Վստահ եմ` մեր երկու երկրները հստակ կարող են հույսը դնել մեկը մյուսի վրա. Սերգեյ Լավրով Հայաստանում է

Վստահ եմ` մեր երկու երկրները հստակ կարող են հույսը դնել մեկը մյուսի վրա. Սերգեյ Լավրով Հայաստանում է
ՌԴ եւ ՀՀ ԱԳ նախարարների համատեղ ասուլիսում Էդվարդ Նալբանդյանը  ընդգծեց, որ Հայաստանի ու Ռուսաստանի ԱԳ նախարարների միջև հանդիպումները կրում են շարունակական բնույթ, և դա բնական է, որովհետև Հայաստանի ու Ռոըսաստանի միջև դաշնակցային հարաբերություններ են: Նալբանդյանը նշեց, որ այսօրվա հանդիպումն էլ լավ հնարավորություն է քննարկելու այն պայմանավորվածությունները, որոնք ձեռք են բերվել ՀՀ և ՌԴ նախագահների հանդիպման արդյունքում: Ինտենսիվ հանդիպումներ են ընթանում նաև ՀՀ և ՌԴ վարչապետերի միջև: Նալբանդյանի խոսքով`  Լավրովի հետ քննարկել են տարածաշրջանային հարցեր, ԼՂ կարգավորման հարցը, ՄԽ գործադրած ջանքերը:

Սերգեյ Լավրովն իր խոսքը սկսելուց առաջ նախ շնորհակալություն հայտնեց հայկական կողմին ավանդական ջերմ ընդունելության համար` ասելով, որ  Երևանում սքանչելի է: Նա նշեց, որ Նալբանդյանի հետ հանդիպման ժամանակ քննարկվել են հայ-ռուսական հարաբերությունների ողջ բովանդակությունը, երկկողմ հարաբերությունները,  ինտեգրացիոն հարցերը, ինչպես նաև միջազգային օրակարգը: Լավրովը նաև շնորհակալություն հայտնեց հայկական կողմին այն բարոյական աջակցության համար, որը ցուցաբերվեց Եգիպտոսում ռուսական ինքնաթիռի կործանման կապակցությամբ:
«Մենք զգում ենք մեր դաշնակից Հայաստանի ուսը, ինչպես այդ ողբերգական դեպքի ժամանակ, այնպես էլ բոլոր այն հարցերում, որոնք ծագում են մեր հարաբերությունների ընթացքում»,- ասաց Սերգեյ Լավրովը: Նա կարևորեց Ռուսաստանի ներդրումները Հայաստանի տնտեսության մեջ, հատկապես` էներգետիկ բնագավառում, շեշտեց այս տարվա սեպտեմբերին սահմանին գազի գնի իջեցումը Հայաստանի համար:

Լավրովի խոսքով` նախարարները քննարկել են նաև սիրիական ճգնաժամը, մասնավորապես` Սիրիայում ապրող քրիստոնյաների վիճակը: «Վստահ եմ, որ մեր երկու երկրները հստակ կարող են հույսը դնել մեկը մյուսի վրա: Խոսքը  տարածաշրջանային անվտանգության մասին է»,- ասաց Սերգեյ Լավրովը` հավելելով, որ իր գործընկերոջը` Էդվարդ Նալբանդյանին, աշխատանքային այցով հրավիրում է Մոսկվա:

Լրագրողները հարց ուղղեցին` ինչպե՞ս կմեկնաբանի Սիրիայի ճգնաժամի կարգավորման հարցով Վենետիկում սեպտեմբերին կայացած հանդիպումները: Սերգեյ Լավրովը նախ նշեց, որ հեշտ չէր մեկ սեղանի շուրջ հավաքել այդ  հարցով բոլոր խոշոր արտաքին խաղացողներին, որպեսզի դադարեցվի արյունահեղությունը Սիրիայում, հեշտ չէր ստիպել Սիրիայի իշխանություններին ու ընդդիմադիր ուժերին` բանակցել միմյանց հետ և ղեկավարվել իրենց երկրի, իրենց պետության և իրենց ժողովրդի շահերով ու ապագայով:

«Սիրիան մենք ցանկանում ենք տեսնել որպես միասնական, անկախ ու ինքնիշխան պետություն, որտեղ պահպանվել են պետական ինստիտուտները, որտեղ ապահովված է սիրիացի ժողովրդի կենսագործունեությունը, և որտեղ ապահովված են այնտեղ ապրող բոլոր ազգային և կրոնական փոքրամասնությունների իրավունքները»,- ասաց Սերգեյ Լավրովը:
 
 
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը