Ադրբեջանը կարող է հույսը դնել Բելառուսի վրա. Լուկաշենկո

Ադրբեջանը կարող է հույսը դնել Բելառուսի վրա` որպես ամենամոտ ընկերոջ. Բաքվում Ադրբեջանի նախագահ Իլհամ Ալիևի հետ առանձին հանդիպման ժամանակ, ըստ БЕЛТА-ի, հայտարարել է Բելառուսի նախագահ Ալեքսանդր Լուկաշենկոն:

«Դուք կարող եք հույսը դնել մեզ վրա` որպես ամենամոտ ընկերոջ: Եթե մենք կարող ենք ինչ-որ բանով օգտակար լինել ձեզ Ադրբեջանում, ապա մենք միշտ դա կանենք: Դուք լավ գիտեք մեր հնարավորությունները, դուք Բելառուսի մեծ ընկերն եք: Մեր միջև չկան փակ թեմաներ, մենք համագործակցում ենք և շարունակելու ենք համագործակցել բոլոր ուղղություններով: Մենք ոչ ոքի չենք վնասում մեր համագործակցությամբ»,- մասնավորապես ասել է Լուկաշենկոն: