Հայաստանը կարող է հույսը դնել իր ինտելեկտի վրա. Կիսելյովի ռեպորտաժը

Россия сегодня գործակալության տնօրեն Դմիտրի Կիսելյովը, ով անցած շաբաթ Երևանում մասնակցում էր «Վալդայ» միջազգային բանավեճի ակումբի արտագնա նիստին, իր հաղորդման ժամանակ ներկայացրել է ռեպորտաժ Հայաստանի մասին:

Ռեպորտաժում խոսվում է Հայաստանի տնտեսության յուրահատկության մասին: «Սարերով շրջապատված Հայաստանը, որը չունի ելք դեպ ծով, զուրկ է հարուստ ռեսուրսներից, կարող է հույսը դնել հիմնականում միայն սեփական ինտելեկտի վրա»,- ասում է Կիսելյովը:

Ռեպորտաժում անդրադարձ է կատարվում Բյուրականի աստղադիտարանին, Մատենադարանին,  արմֆոններին և արմթաբներին, շախմատին:

«Հայաստանը պետք է հզոր պետություն դառնա: Ես ցանկանում եմ, որ բոլոր հայերը վերադառնան Հայաստան»,- ասում է ՀՀ նախագահ Սերժ Սարգսյանը ռեպորտաժում: