Լիսկայի տան մոտ տեղի ունեցած միջադեպի գործով վերաքննիչ բողոքի քննությունը՝ այսօր

Այսօր ՀՀ վերաքննիչ քրեական դատարանում տեղի կունենա 2013թ. հունիսի 1-ին Սյունիքի մարզպետ Սուրիկ Խաչատրյանի առաձնատան մոտ տեղի ունեցած միջադեպի գործով բողոքի քննությունը:

«Այս գործով Արտակ Բուդաղյանի նկատմամբ մեղադրանքը ստեղծվել է, որպեսզի Սուրիկ Խաչատրյանի որդու և նրա օգնականի կրակոցները ներկայացնեն որպես պաշտպանվողներ: Սյունիքի մարզի ընդհանուր իրավասության դատարանն այս գործով միակ մեղադրյալ Արտակ Բուդաղյանին մեղավոր էր ճանաչել, և թեև նրա նկատմամբ, որպես պատիժ, նշանակվել է տուգանք, ու նա համաներմամբ ազատվել է պատժից, սակայն դա նրանց համար սկզբունքային նշանակություն ունի»,-լրագրողներին ասաց Բուդաղյանների պաշտպան Հայկ Ալումյանը:

Նշենք, որ, բացի հիշյալ բողոքից, ներկայումս Վերաքննիչում քննվում է նաև մեկ այլ բողոք՝ Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի՝ Սուրիկ Խաչատրյանի որդու՝ Տիգրան Խաչատրյանի, նրա օգնականի՝ Զարզանդ Նիկողոսյանի նկատմամբ քրեական հետապնդումը դադարեցնելու մասին որոշումների դեմ:

Այս գործով  Բուդաղյանները նաև ՄԻԵԴ են գանգատ ներկայացրել: