Կործանված ռուսական օդանավի ազգությամբ հայ ուղևորը 40 տարեկան էր (ԼՈՒՍԱՆԿԱՐՆԵՐ)

ՀՀ արտաքին գործերի նախարարությունից տեղեկացրել են, որ  որ Շարմ էլ Շեյխից Սանկտ Պետերբուրգ չվերթն իրականացնող կործանված ռուսական օդանավի ուղեւորների ցուցակում Հայաստանի քաղաքացիներ չկան, իսկ ինչ վերաբերվում է ազգությամբ հայերին, ապա դեռ ճշտում են:

Yerkir.am-ին հաջողվեց պարզել, որ կործանված օդանավի ուղևորներից  ազգությամբ հայ է 40-ամյա Լեոնիդ Մնացականովը: Նա ՌԴ քաղաքացիություն ունի, երկար տարիներ է, ինչ բնակվում է Սանկտ Պետերբուրգում:

Yerkir.am-ի հետ զրույցում Մնացականովի մտերիմներից  Մարիա Ղուկասյանը հայտնեց, որ մինչև հիմա ուշքի չեն գալիս կատարվածից:

Նրա խոսքով՝ դեռևս հայտնի չէ՝ Լեոնիդը մահացած է, թե ոչ:

Հիշեցնենք, որ վերջին տվյալներով՝  օդանավի կործանման վայրում հայտնաբերվել է մոտ 100 դի:

Ավելի վաղ հայտնել էինո, որ Եգիպտոսի Սինայի թերակղզու կենտրոնական մասում կործանվել է ռուսական քաղաքացիական ինքնաթիռ։  Օդանավում եղել է 224 մարդ, այդ թվում՝ 17 երեխա:

 Լուսանկարները՝ Լեոնիդ Մնացականովի ցոցիալական ցանցի էջից: