Համանախագահող երկրները ցանկության դեպքում կարող են կտրուկ նվազեցնել լարվածությունը. Աղվան Վարդանյան

Այսօր` խորհրդարանական ճեպազրույցների ժամանակ, ԱԺ ՀՅԴ խմբակցության քարտուղար Աղվան Վարդանյանն անդրադարձավվ ամենահրատապ թեմային` սահմանային լարվածությանը. ունենք զոհեր և վիրավորներ խաղաղ բնակիչների շրջանում:

«Արդեն սովորություն է դարձել` յուրաքանչյուր հնարավոր բարձրաստիճան հանդիպումից առաջ Ադրբեջանը գնում է լարվածության: Առաջինը` ուժի դեմ պետք է կիրառել առավել մեծ ուժ, ինչը, կարծում եմ, մեր բանակն անում է ինչ-որ չափով: Եվ երկրորդը` ես խորապես համոզված եմ, որ համանախագահող երկրները ցանկության դեպքում, միասին գործելու դեպքում կարող են իսկապես, առնվազն կտրուկ նվազեցնել լարվածությունը, հարձակումները, սադրանքները և զոհերի թիվը: Իսկ թե համանախագահողներն ինչո՞ւ չեն անում, թերևս դա պետք է փնտրեն իրենց միջեւ առկա տարաձայնությունների կամ ոչ միասնական գործելու մեջ: Սա իսկապես շատ մտահոգող է, և դարձյալ, այս պարագայում, մնում է մեր բանակի հզորությունը, մեր բանակի` համարժեք պատասխան տալու կարողությունը»,- ասաց պատգամավորը: