ԵՏՄ շուկաներում հեռանկար ունեն Հայաստանի շինանյութերը, կոշիկը և գյուղմթերքը

Այսօր էկոնոմիկայի նախարարությունում տեղի է ունեցել արդյունաբերական համաժողով, որի քննարկման թեման ԵՏՄ անդամ պետությունների արդյունաբերական համագործակցության հիմնական ուղղություններն էին: Ըստ այդմ` ներկայացվել է ԵՏՄ  անդամ պետությունների արդյունաբերական համագործակցության հիմնական ուղղությունների նախագիծը:

ԵՏՄ արդյունաբերության  և ագրոարդյունաբերության նախարար Սերգեյ Սիդորոսկին լրագրողների հետ զրույցում հեռանկարային է համարել Հայաստանի շինանյութերի արտադրության ոլորտը, կոշիկի արտադրությունը, գյուղատնտեսական ոլորտը:

Ինչ վերաբերում է ԵՏՄ երկրներում առևտրաշրջանառության ծավալների կրճատմանը, Սերգեյ Սիդորոսկին նշել է, որ այդ անկումը բնութագրական է ոչ միայն ԵՏՄ անդամ երկրներում, այլ նաև ԵՄ-ում, Չինաստանում, Ասիայում, Մերձավոր Արևելքում: Նա հույս է հայտնել, որ ԵՏՄ անդամ երկրներին կհաջողվի խուսափել տնտեսական անկումից:

Էկոնոմիկայի փոխնախարար Էմիլ Տարասյանը նշել է, որ ԵՏՄ անդամ երկրների հետ Հայաստանի համագործակցության ձևաչափերից մեկը կարող է լինել կոոպերացիան: Եվ այդ մասով Հայաստանը կարող է հայտ ներկայացնել` մաս կազմելու ԵՏՄ խոշոր արտադրություններին: