Էլեկտրաէներգիայի թանկացման դեմ բողոքողները կառավարության մոտից շարժվում են դեպի ՀԾԿՀ-ի շենքը

ՀՅԴ Հայաստանի Երիտասարդական և «Նիկոլ Աղբալյան» ուսանողական միություններն այսօր կառավարության շենքի մոտ բողոքում էին էլեկտրաէներգիայի անհիմն թանկացման դեմ: Նրանք կոչով դիմեցին կառավարությանը՝ զերծ մնալ ապօրինություններից և չթանկացնել էլեկտրաէներգիան:

Ակցիայի մասնակիցները գրավոր դիմում ներկայացրեցին կառավարության աշխատակցին, ով խոստացավ բողոքը հասցեատիրոջը փոխանցել: Ցուցարարները նշեցին նաեւ, որ ՀԷՑ-ն իրեն ճոխություններ է թույլ տալիս, մյուս կողմից էլ` էլեկտրաէներգիան թանկացնելու հայտով դիմում ՀԾԿՀ-ին:

Ցուցարարներն այժմ շարժվում են դեպի Հանրային ծառայությունները կարգավորող հանձնաժողովի շենքը: Նրանց պաստառներից մեկի վրա գրված է` «Թալանից 161 միլիոն դրամ` գործուղումներին»: