Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Սյունիքի մարզպետ Սուրիկ Խաչատրյանի (Լիսկա) որդու մասնակցությամբ Գորիսում տեղի ունեցած միջադեպից տուժած Հարություն Զաքարյանի հարազատները հույս ունեն, որ բժիշկներին կհաջողվի փրկել տղայի աչքը: Զաքարյանի հորեղբայրը yerkir.am-ին հայտնեց, որ Մոսկվայում Հարությունին ստուգել են մի քանի հիվանդանոցներում և հույս չեն տվել, սակայն իրենք հավատում են, որ հնարավոր կլինի փրկել տղայի աչքը:
Մեզ տեղեկացրեցին, որ երկու օրից Հարությունին կրկին կստուգեն, այս անգամ` այլ հիվանդանոցում, և դրանից հետո պարզ կդառնա՝ աչքը կհեռացնեն, թե` ոչ:
Հիշեցնենք, որ երբ Հարությունը բուժում էր ստանում Մալայանի անվան ակնաբուժական կլինիկայում, նրա մոտ աչքի բորբոքային խնդիրներ չկային, ինչը թույլ էր տվել բժիշկներին ենթադրել, որ տղայի տեսողությունը հնարավոր է վերականգնվի, սակայն արդեն հայտնի է՝ Հարությունի մոտ աչքի բորբոքում է սկսվել:
Yerkir.am-ի հետ զրույցում ակնաբուժական կենտրոնի տնօրեն Ալեքսանդր Մալայանը հայտնել էր, որ Հարությունի վնասվածքը դասվում է շատ ծանրերի շարքը` խախտվում է տեսողության ֆունկցիան, շատ դեպքերում` անվերադարձ: