Պայմանները հայկական կողմին ձեռնտու են. Որոտանի կասկադը կվաճառվի ամերիկյան կողմին

Այսօր` լրագրողների հետ հանդիպման ժամանակ, էներգետիկայի ու բնական պաշարների նախարար Երվանդ Զախարյանը, պատասխանելով Yerkir.am-ի հարցին, թե ո՞ր փուլում է Որոտանի վաճառքի գործընթացը, պատասխանեց. «Արդեն տեղ ենք հասել: Հանվել են բոլոր այն տարաձայնությունները, որոնք եղել են նախնական պայմանագրում: Վերջնական տարբերակն արդեն ներկայացվել է ամերիկյան կողմին: Հույս ունենք` մեկ երկու շաբաթվա ընթացքում կստորագրվի: Բոլոր վիճահարույց հարցերը հանվել են, պայմանները մեզ ձեռնտու են, եթե մեզ ձեռնտու չլինեին, ուղիղ մեկ տարի լրացուցիչ քննարկումներ չէին լինի»:

Հիշեցնենք, որ «Որոտան» կասկադը կվաճառվի ամերիկյան «Գլոբալ կոնտուր» ընկերությանը: