Հայերի ցեղասպանության պարագայում մեղսակից ենք. Գերմանիայի նախագահ

Գերմանիայի նախագահ Յոահիմ Գաուկը Բեռլինի Մայր տաճարում Հայոց ցեղասպանության 100-րդ տարելիցին նվիրված արարողության ժամանակ 1915 թվականի հայերի կոտորածներն անվանել է ցեղասպանություն: Այդ մասին հայտնում է գերմանական DPA գործակալությունը:

«Մենք` գերմանացիներս, միասնական պետք է աշխատենք, քանի որ հայերի ցեղասպանության պարագայում մեղսակից ենք, ուստի կրում ենք համապատասխանատվություն»,- ասել է նա: 

Նշենք, որ ապրիլի 24-ին` Գերմանիայի ժամանակով առավոտյան ժամը 9-ին, Հայոց ցեղասպանության հարցի քննարկմամբ կսկսվի Բունդեսթագի լիագումար նիստը: Դրանից հետո քվեարկության է դրվելու բանաձևի նախագիծ` ցեղասպանություն» եզրույթով ու հիմնավորմամբ, թե որ կոնվենցիայի որ կետով են Օսմանյան Թուրքիայում տեղի ունեցած ջարդերը ենթակա կոչվելու «ցեղասպանություն»:

Մինչ այս Գերմանիայի իշխանությունները հատուկ բանաձեւով դատապարտել էին 1915-ի իրադարձությունները` խուսափելով «ցեղասպանություն» եզրույթից: