Դուրիցկայային կասկածում են Նեմցովի սպանությանը մասնակից լինելու մեջ. Комсомольская правда

Մոսկվայի կենտրոնում սպանված ռուս ընդդիմադիր գործիչ Բորիս Նեմցովի ընկերուհին՝ Աննա Դուրիցկայան, ով սպանության պահին եղել է Նեմցովի կողքին, ունեցել է իր հետ երկու բջջային հեռախոս, որոնցից մեկը այնուհետև նետել է աղբարկղը: Այդ մասին գրում է Комсомольская правда-ն՝ հետաքննությանը մոտ կանգնած աղբյուրին հղումով:

Տեսախցիկները ֆիքսել են՝ ինչպես է Դուրիցկայան Նեմցովի հետ կատարված դեպքից հետո մոտեցել աղբարկղին և ինչ-որ բան նետել այնտեղ:

Հայտնաբերված հեռախոսը ուսումնասիրվել է: Պարզվել է, որ հեռախոսի մեջ տեղադրված է եղել ազդանշաններ տվող չիպ: Հետաքննության կարծիքով՝ սպանության կազմակերպիչները այդ հեռախոսի միջոցով են հետևել Դուրիցկայային և Նեմցովին: