ՌԴ Քննչական կոմիտեն կասկածում է Նեմցովի ընկերուհուն. Коммерсант

ՌԴ քննչական կոմիտեն որոշել է մանրակրկիտ ստուգել՝ որքանո՞վ է ռուս ընդդիմադիր գործիչ Բորիս Նեմցովի ընկերուհին՝ ուկրաինացի մոդել Աննա Դուրիցկայան առնչվում նրա սպանությանը: Այդ մասին գրում է  Коммерсант-ը՝ վկայակոչելով իրավապահ մարմիններում իր աղբյուրները: 

Պարբերականի աղբյուրի համաձայն՝ հետաքննության մոտ հարցեր են առաջացել այն բանից հետո, երբ Դուրիցկայայի և գործով այլ վկաների ցուցմունքներում հակասություններ են եղել: Այսպես՝ Դուրիցկայան, խոսելով Կիևում բնակվող իր մոր հետ,  ասել է, որ Bosco Cafe-ում ընթրելուց հետո Նեմցովն է առաջարկել իրեն` զբոսնելով  հասնել տուն: Հետաքննությունը, սակայն, պնդում է, որ վկաների խոսքերով, որոնց հաջողվել է գտնել, հենց Դուրիցկայան է պնդել, որ գիշերային զբոսանք կատարեն:

Ի դեպ, Դուրիցկայան հրաժարվել է ստի դետեկտորով հարցաքննվել:

Նշվում է, որ քիլերը կարող էր հետևել նրանց` սրճարանից սկսած, իսկ Դուրիցկայայի բաց գույնի վերարկուն կարող էր յուրատեսակ փարոս հանդիսանալ: