Հայերի շնորհիվ է խորովածը տարածում գտել ռուսների շրջանում. Комсомольская правда

Ռուսական Комсомольская правда-ն նյութ է հրապարակել մայիսյան տոներին շատ կիրառվող կերակրատեսակի՝ խորովածի մասին:

Պարբերականը նշում է, որ խորովածի պատրաստման բաղադրատոմսեր ունեն շատ ազգեր, սակայն  ռուսներին ավելի մոտ է կովկասյան ժողովուրդներինը:

«Մեզ ավելի հոգեհարազատ է խորովածը՝ կովկասյան ձևով: Այն տարածում ստացավ ռուս-թուրքական պատերազմից հետո. Կարսի գրավումից հետո տեղի հայերը, որոնք ռուս զինվորներին համարում էին ազատագրողներ, շռայլորեն հյուրասիրում էին ավանդական խորովածով: Պուշկինն իր «Ճամփորդություն Արզրում»-ում ևս հիշատակել է ղարսյան խորովածը` (ոչխարի մսով և սոխով), որ նրան թվացել է խոհարարական արվեստի գլուխգործոց»,- գրում է պարբերականը: