ԲՀԿ-ն ո՞վ ա, ղեկավար կազմն ո՞վ ա, ի՞նչ քաղաքականություն են վարելու. Ալեքսանդր Արզումանյան

ԱԺ պատգամավոր Ալեքսանդր Արզումանյանը Yerkir.am-ի հետ զրույցում, անդրադառնալով ԲՀԿ-ի շուրջ ծավալվող խմորումներին, նշեց, որ իր ասելիքներն այդ կապակցությամբ ավելի հստակ կլինեն միայն այն ժամանակ, երբ ԲՀԿ-ն ԱԺ-ում հայտարարի իր` ընդդիմադիր լինելու մասին:

Մեր հարցին, թե պատրա՞ստ է, արդյոք, համագործակցել ԲՀԿ-ի հետ, պատգամավորը պատասխանեց. «ԲՀԿ-ն ո՞վ ա, կա՞, թե՞ չկա, արդյոք, ի՞նչ դաշտում ա, ո՞վ ա ղեկավար կազմը, ի՞նչ քաղաքականություն են վարելու: Հարց է՝ իրենք գիտե՞ն այդ ամենը: Հենց այդ բոլոր հարցերի պատասխանը տան, կխոսենք»:

Մեր այն դիտարկմանը, թե ԲՀԿ-ն ունի ղեկավար` հանձին Նաիրա Զոհրաբյանի, ով հայտարարել է, թե իրենց կուսակցությունը հստակ ընդդիմադիր ուղղվածություն ունի, Արզումանյանը պատասխանեց. «Կգան ԱԺ, կանոնակարգի համաձայն` կանեն իրենց հայտարարությունները, այդ ժամանակ էլ կտեսնենք»: