Թուրքիայում Հայոց ցեղասպանությունը ժխտող ևս մեկ գիրք է լույս տեսել

Թուրքիայում հրատարակվել է պատմության ուսուցիչ Մեհմեդ Բիջիքի հակահայկական գիրքը: Ըստ Haberler-ի՝ այն վերնագրված է` «Հայկական ահաբեկչություն. Ցեղասպանության կեղծիք»:

Գրքի հեղինակը գրել է, թե հայերը բուռ կերպով նախապատրաստվում են 2015 թվականին՝ հայկական պնդումների 100-ամյա տարելիցին: Նրա խոսքով՝ «գիրքը հրատարակվել է կարևոր ժամանակաշրջանում»:

Գրքում նա ներկայացրել է, թե իբր թուրքական պատմության ոչ մի ժամանակաշրջանում թուրքերը ռասայական խտրականություն և ցեղասպանություն չեն իրականացրել, այլ, ընդհակառակը, հայերն են եղել թուրքերին կոտորողն, ու դա ապացուցելու համար ինքը գրի է առել «ճշմարտությունը»: