Մալաթիայում հրազենից 18-ամյա երիտասարդ է վիրավորվել

Երեկ` ժամը 18-ի սահմաններում, մի խումբ անձանց միջև վիճաբանություն է տեղի ունեցել Երևանի Մալաթիա-Սեբաստիա վարչական շրջանում, ինչի արդյունքում հրազենային վիրավորում է ստացել մի երիտասարդ:

Yerkir.am-ի տեղեկություններով` վնասվածքներ ստացածը 18-ամյա Դավիթ Մովսիսյանն է, որին դեպքից հետո անմիջապես տեղափոխել են Մալայանի անվան ակնաբուժական կենտրոն, ապա «Արմենիա» բժշկական կենտրոն: Yerkir.am-ը «Արմենիա» բժշկական կենտրոնից տեղեկացավ, որ Մովսիսյանը հետազոտության է ենթարկվել նեյրովիրաբուժական բաժանմունքում, նրա վիճակը գնահատվել է կայուն ծանր:

Մեր տեղեկություններով` մի քանի ժամ առաջ երիտասարդին կրկին տեղափոխել են Մալայանի անվան ԲԿ: