Պարզվում են պայմանագրային զինծառայողի՝ հրազենից վիրավորվելու հանգամանքները. ՔԿ

Shamshyan.com-ը տեղեկություն էր տարածել, որ կրծքավանդակի ձախ մասի հատվածում հրազենային վնասվածքով Երևանի Միքայելյան վիրաբուժական հիվանդանոց է տեղափոխվել մի երիտասարդ: Ավելի ուշ պարզվել էր, որ վիրավորը Կոտայքի մարզի բնակիչ՝ 24-ամյա Նարեկ Ս.-ն է, որը պայմանագրային զինծառայող է, և նրա զինվորական համազգեստի գրպանում հայտնաբերվել է երկտող։ 

ՀՀ Քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը Yerkir.am-ին հայտնեց, որ այս պահին քննություն է տարվում պայմանագրային զինծառայողի՝ հրազենից վիրավորվելու դեպքի հանգամանքները պարզելու ուղղությամբ: «Դեպքի վայրում քննիչներ են աշխատում»,- ասաց նա: