«Ուլիս»-ը պարտություն կրեց 3-րդ ստուգողական խաղում

Բարձրագույն խմբի առաջատար «Ուլիս»-ն այսօր  երրորդ ստուգողական խաղն անցկացրեց՝  մրցելով  Մոլդովայի առաջնության առաջատարներից մեկի՝ «Միլսամի» թիմի հետ:

 Ինչպես տեղեկացնում է երևանյան ակումբի մամուլի ծառայությունը,  թիմի կազմում  խաղին մասնակցեցին փորձաշրջան անցնող բազմաթիվ ֆուտբոլիստներ:  

«Ուլիս»-ի ֆուտբոլիստները  կարողացել են  ստեղծել գոլային պահեր, բայց վերջնական արդյունքի հասնել չի հաջողվել:

 Անհամեմատ արդյունավետ են եղել մրցակցի գրոհները: Մինչև ընդմիջում «Միլսամի»-ն բացել է խաղի հաշիվը, իսկ ընդմիջումից հետո էլ ևս երկու անգամ գրավելով «Ուլիսի» դարպասը, մոլդովական թիմը հաղթանակ է տոնել 3:0 հաշվով:

Հիշեցնենք, որ նախորդ 2 ստուգողական  խաղերում Գագիկ Սիմոնյանի սաները պարտվել էին «Լոկոմոտիվ»-ին և «Վոլգար»-ին: