«Արարատ»-ը պարտություն կրեց առաջին ընկերական խաղում

Թբիլիսիում ընթացող ուսումնամարզական հավաքի շրջանակում «Արարատ»-ն առաջին ստուգողական հանդիպումն է անցկացրել Թբիլիսիի «Սպարտակ»-ի հետ և պարտվել  1:2 հաշվով:

Հանդիպման սկզբնամասում մրցակիցը երկու անգամ գրավել է  «Արարատ»-ի դարպասը, իսկ երկրորդ խաղակեսում արարատցիները կարողացել են  կրճատել հաշվի տարբերությունը. տուգանայինից կատարած հարվածով աչքի է ընկել Դավիթ Գ. Գրիգորյանը:

Վրաստանի մայրաքաղաքում «Արարատ»-ը կանցկացնի ևս երկու հանդիպում` հուլիսի 20-ին և 23-ին, համապատասխանաբար, «Գագրա» և «Սիոնի» թիմերի հետ:

Հավելենք, որ ֆրանսիացի ֆուտբոլիստներ Զավեն Բուլուտը և Ռոբին դի Լաուրոն «Արարատ»-ին կմիանան վաղը` հուլիսի 18-ին: Այս մասին տեղեկացնում է երևանյան ակումբի պաշտոնական կայքը: