Հայաստանի առաջնություն. «Ուլիս»-ը հերթական պարտությունը կրեց

Ֆուտբոլի Հայաստանի Բարձրագույն խմբի առաջության 20-րդ տուրում «Ուլիս»-ը սեփական հարկի տակ նվազագույն հաշվով պարտվեց «Միկա»-ին: Միակ գոլը 45-րդ րոպեին հեղինակեց Արտակ Գրիգորյանը: Այս խաղից հետո «Ուլիս»-ը շարունակում է 38 միավորով ընթանալ 2-րդ տեղում: Առաջատար «Փյունիկ»-ն ունի 42 միավոր: Քիչ անց՝ ժամը 18-ին կմենկնարկի «Փյունիկ»-«Արարատ» հանդիպումը, և Սարգիս Հովսեփյանի թիմը հաղթանակի դեպքում միավորների տարբերությունն «Ուլիս»-ի նկատմամբ կհասցնի 7-ի:

Տուրի մյուս 2 հանդիպումները տեղի կունենան վաղը: «Գանձասար»-ը Կապանում կհյուրընկալի «Բանանց»-ին, իսկ «Ալաշկերտ»-ը Երևանում ուժերը կչափի «Շիրակ»-ի հետ: