Պերմյակովի` ջուր ուզելու մասին ցուցմունքի խելամտությունը դեռևս չի գնահատվել

Գյումրիում 6 անձի դաժանաբար սպանության մեջ կասկածվող` ռուսական ռազմաբազայի զինվորական Վալերի Պերմյակովն իր ցուցմունքներում հայտնել է, թե մի բաժակ ջուր է ցանկացել խմել, մտել է Ավետիսյանների տուն, այնուհետև կատարել է հայտնի ոճրագործությունը:

Այս պահին ՀՀ գլխավոր դատախազ Գևորգ Կոստանյանը գտնվում է Գյումրիում և պատասխանում է լրագրողների հարցերին: Հարցին, թե արդյո՞ք խելամիտ են Պերմյակովի ցուցմունքները, Գ. Կոստանյանը պատասխանեց. «Ցուցմունքի խելամտությունը չի գնահատվում դրա բովանդակությամբ: Ցուցմունքի կամ այլ ապացույցի հավաստիությունը գնահատվում է այլ ապացույցների համակցությամբ: Եվ երբ բոլոր ապացույցների համակցությամբ կգնահատվի այդ ապացույցի արժանահավատությունը, ապա այդ ժամանակ էլ կասեմ»: