Կինոյի մասին օրենքի նախագիծ է մշակվել, որն ԱԺ կներկայացվի 2015-ին

Կինոյի մասին օրենքի նախագիծն արդեն մշակվել է, այն 2015-ին կներկայացվի Ազգային ժողով: Այս մասին լրագրողների հետ զրույցում հայտնեց Հայաստանի ազգային կինոկենտրոնի տնօրեն Գևորգ Գևորգյանը:

Ըստ նրա` նախագծի ստեղծմանը մասնակցել են բոլոր կինոգործիչներն ու կինոարտադրությամբ զբաղվողները, որոնք իրենց կարծիքներն ու առաջարկներն ուղարկել են իրեն:

«Այս նախագիծը մեզ է պետք, դրանից մեր կյանքը կհեշտանա, միջազգային կառույցների հետ համագործակցելու համար օրենք պետք չէ, հասկանո՞ւմ եք: Սակայն այն մեզ օդ ու ջրի պես է անհրաժեշտ, քանի որ այդկերպ բազմաթիվ խնդիրներ կլուծվեն»,- ասաց Գևորգյանը:

Նա հույս ունի, որ մինչև 2015-ի տարեվերջ` ԱԺ-ում քննարկվելուց հետո, հարցին լուծում կտրվի: