Հայաստանն ազատ ինտերնետ ունեցող երկիր է. Freedom House

Freedom House իրավապաշտպան կազմակերպությունը հայտարարել է, որ արդեն չորրորդ տարին է, որ աշխարհում նկատվում է իրավիճակի վատթարացում ինտերնետի ազատության հարցում: Հատկապես` այդ գործընթացը զգալի է Ռուսաստանում, Ուկրաինայում եւ Թուրքիայում:

Կազմակերպության` այսօր հրապարակված` «Ազատությունը համացանցում-2014» զեկույցում նշվում է, որ ինտերնետի ազատությունն ամենաշատը խախտողներն են Սիրիան, Իրանը եւ Չինաստանը:

Գնահատական է տրվել 65 երկրի` 100 բալանոց սանդղակով: 0-30 բալ համաքած երկրները համարվում են ազատ ինտերնետ ունեցող, 31-60 բալ` մասամբ ազատ ինտերնետով, 61-100 բալ են ստացել այն երկրները, որտեղ չկա ազատ ինտերնետ:

Հայաստանը հավաքել է 28 բալ, եւ, փաստորեն, համարվում է ազատ ինտերնետ ունեցող երկիր: Վրաստանն ունի 26 բալ, Ադրբեջանը` 55 բալ: