Հայաստանն ու Արցախը ճանաչվել են «մասամբ ազատ երկիր». Freedom House-ի զեկույցը

Freedom House միջազգային իրավապաշտպան կազմակերպությունը հրապարակել է հերթական ամենամյա զեկույցը՝ գնահատելով աշխարհի 195 երկրներում քաղաքացիական և քաղաքական ազատությունները:

Զեկույցում Հայաստանը ճանաչվել է «մասամբ ազատ երկիր»՝ 100 միավորից ստանալով 45 միավոր: «Մասամբ ազատ» է ճանաչվել նաև Արցախը՝ 30 միավորով:

Տարածաշրջանի երկրներից «մասամբ ազատ երկիր» է ճանաչվել Վրաստանը՝ ստանալով 64 միավոր:

Ինչ վերաբերում է «եղբայր պետություններ» Ադրբեջանին և Թուրքիային, նրանք ճանաչվել են «ոչ ազատ երկիր»՝ ստանալով 12 և 32 միավոր: «Ոչ ազատ երկիր» է դարձել նաև Իրանը՝ ստանալով 18 միավոր:

«Ազատ երկիր» է ճանաչվել 88 երկիր, «մասամբ ազատ»՝ 58 երկիր, իսկ «ոչ ազատ»՝ 45 երկիր: