Էրդողանը հերքում է Ամերիկայի հայտնաբերման մասին իր «բացահայտումը»

«Ամերիկան մուսուլմաններն են հայտնաբերել» պնդումն ինձ չի պատկանում»,- Անկարայում ելույթի ժամանակ ասել է Թուրքիայի նախագահ Ռեջեփ Թայիփ Էրդողանը:

Ըստ T24-ի՝ Էրդողանը, հայտնելով, որ այդ պնդումը տեղ է գտել Գերմանիայում բնակվող պրոֆեսոր Ֆուաթ Սեզգինի աշխատությունում, ասել է. «Այդ պնդումը տեղ է գտել նաև շատ գիտնականների աշխատություններում: Այդ պնդումը ինձ չի պատկանում: Այդ մասին այդ օրը հայտնեցի գիտնականների ներկայացրածի հիման վրա ձեւակերպված իմ միտքը: Թուրքիայում և աշխարհում շատ գիտնականներ այդ մասին փաստեր են ներկայացրել: Հետաքրքիրն այն է, որ օտարերկրացիներից առաջ հենց մեր երիտասարդությունն այդ կապակցությամբ առարկեց: Եվ միայն երիտասարդները չէ, մեծերը ևս առարկում են: Մի շարք գրողներ, ծաղրանկարիչներ դա գրի են առնում: Ինչո՞ւ: Քանի որ չեն հավատում, որ մուսուլմանը նման բան կարող է անել: Սա ինքնավստահության պակաս է»: