կարևոր
6379 դիտում, 10 ամիս առաջ - 2023-09-07 14:51
Հասարակություն

Տեսալուսանկարահանող սարքի հայտնաբերման դեպքում քրեական պատասխանատվության փոխարեն կսահմանվի 50000 դրամ տուգանք․ Անուշ Պողոսյան

Տեսալուսանկարահանող սարքի հայտնաբերման դեպքում քրեական պատասխանատվության փոխարեն կսահմանվի 50000 դրամ տուգանք․ Անուշ Պողոսյան

«Առողջության իրավունք» իրավապաշտպան ՀԿ համանախագահ Անուշ Պողոսյանը գրում է

«Շրջանառվում է «Բնակչության բժշկական օգնության և սպասարկման մասին» օրենքում լրացում կատարելու մասին օրենքի նախագիծը համաձայն որի բնակչության բժշկական օգնություն և սպասարկում իրականացնող կազմակերպություններում կարող են օգտագործվել տեսալուսանկարահանող սարքեր։ Ըստ նախագծի բժշկական օգնություն և սպասարկում իրականացնող կազմակերպությունների ֆունկցիոնալ ախտորոշիչ կաբինետներում, միջամտությունների սենյակներում, հիվանդասենյակներում, լոգարաններում և սանհանգույցներում տեսալուսանկարահանող սարքերի օգտագործումն արգելվում է, ինչը ենթադրում է ,որ բժիշկների սենյակներում ևս կարելի է իրականացնել տեսալուսանկարահանում, ինչը նշանակում է բժշկական գաղտնիքի ապորոնի շրջանառում:

Օրենքի նախագծով նախատեսված չէ պացիենտի՝ տեսալուսանկարահանումից հրաժարվելու իրավունքը:

Իսկ հիմա ամենակարևորը՝ Տեսալուսանկարահանող սարքերի օգտագործումը ֆունկցիոնալ ախտորոշիչ կաբինետներում, միջամտությունների սենյակներում, հիվանդասենյակներում, լոգարաններում և սանհանգույցներում՝

առաջացնում է բժշկական օգնություն և սպասարկում իրականացնողների համար տուգանքի նշանակում՝ տեղադրված յուրաքանչյուր տեսալուսանկարահանող սարքի դեպքում, սահմանված նվազագույն աշխատավարձի ՀԻՍՆԱՊԱՏԻԿԻ ՉԱՓՈՎ: Ստացվում է տարիներով կարող են կատարել անօրինական նկարահանումներ օրինակ լոգարանում կամ մանիպուլիացիոն սենյակում, և եթե երբևիցե դա հայտնաբերվի, ապա բժշկական օգնություն և սպասարկում իրականացնողները կվճարեն 50000 դրամ, կրկնում եմ ՝ ոչ թէ քրեական պատասխանատվություն, այլ 50000 դրամ:

Հ.Գ. Հիշեցի պատգամավոր Նիկոլ Փաշինյանի հայտնի արտահայտությունը ՝ ժպտացեք, Ձեզ նկարահանում են․․․»։