Հրանտ Դինքի սպանության գործով միավորել են զինվորականների դեմ հետաքննությունները

«Ակօս» թերթի գլխավոր խմբագիր Հրանտ Դինքի սպանության գործով կարևոր զարգացում է գրանցվել:

Ըստ Taraf-ի՝ դատարանը որոշել է սպանության ժամանակ Ստամբուլում և Տրապիզոնում ծառայած պաշտոնյաների, ինչպես նաև զինվորականների դեմ հետաքննությունը միավորել։

Թուրքիայի արդարադատության նախարարի այն որոշումից հետո, որով թույլատրվել է Դինքի սպանության գործով Ստամբուլի նախկին ոստիկանապետի եւ մյուս պաշտոնյանների նկատմամբ հետաքննություն սկսել, Ստամբուլի գլխավոր դատախազությունը գրություն է ուղարկել Տրապիզոնի դատախազություն, որով պահանջվել է Տրապիզոնի ժանդարմերիայի նախկին զինվորականների եւ պաշտոնյաների նկատմամբ Դինքի գործով հետաքննության անցկացումը փոխանցել Ստամբուլի գլխավոր դատախազություն։

Ստամբուլի գլխավոր դատախազությունը դրական պատասխանից հետո միավորել է Ստամբուլում և Տրապիզոնում ծառայած պաշտոնյաների, ինչպես նաև զինվորականների դեմ բոլոր հետաքննությունները: