Պոլսի դատարանը մերժել է միավորել Հրանտ Դինքի սպանության գործերը

Պոլսի ծանր հանցագործությունների գործերով  5-րդ դատարանը մերժել է միավորել Հրանտ Դինքի գործով մեղադրվող պաշտոնյաների գործը Դինքի սպանության հիմնական գործի հետ:

«Ակօս»-ը տեղեկացնում է, որ Հրանտ Դինքի սպանության համար պետական պաշտոնյաներին պատասխանատվության ենթարկելու գործը քննող դատախազ Գյոքալփ Քյոքչուն դատարանից պահանջել է Դինքի սպանության հիմնական գործը միավորել մյուս գործի հետ, սակայն դատարանը մերժել է գործերը միավորել և մեղադրական զեկույցն ուղարկել Պոլսի ծանր հանցագործությունների գործերով 14-րդ դատարան:

Գյոքալփ Քյոքչուն իր մեղադրական զեկույցում շեշտել է, որ Դինքի սպանության գործում պատասխանատվություն ունեն 26 պետական պաշտոնյաներ: