Ազնավուրի` աղմուկ հանած հարցազրույցը կե՞ղծ է

Թուրք հայտնի պրոդյուսեր, մենեջեր Էրքան Օզերմանը Փարիզում հարցազրույց է վարել ֆրանսահայ աշխարհահռչակ երգիչ, երգահան Շառլ Ազնավուրի հետ եւ տպագրել թուրքական Posta-ում, որը մեծ աղմուկ բարձրացրեց համացանցում: Երեկ մենք էլ էինք ներկայացրել այն` կրճատումներով:

Ըստ բնօրինակի` Ազնավուրն իբր նաեւ հայտարարել էր, որ մայրը թուրք է: Նա խոսել էր նաեւ իր՝ դեսպան լինելու մասին:
«Ես անկախ դեսպան եմ: Այսինքն` չեմ գործում և չեմ կարող գործել Հայաստանից ստացած հրամաններով»,- ըստ Posta-ի` ասել էր նա:

Yerkir.am-ը ԱԳՆ մամուլի քարտուղար Տիգրան Բալայանից փորձեց մեկնաբանություն ստանալ` Ազնավուրի այս հայտարարությունների հետ կապված:

«Նման հարցազրույց չի եղել: Շուտով Ազնավուրի կողմից կլինի համապատասխան արձագանք»,- ասաց Տիգրան Բալայանը: