Նախարարը ստել է. աղմուկ հանած ձեռնարկը երաշխավորել է ԿԳՆ-ն

ՀՀ ԿԳ նախարար Արմեն Աշոտյանը երեկ անդրադարձել է սոցկայքերում մեծ աղմուկ հանած` մաթեմատիկայի դասագրքին եւ դրանում առկա խնդիրներին: Նախարարը ֆեյսբուքյան իր էջում գրել է. «FB սոցիալական ցանցում տեղադրված մաթեմատիկական «խնդիրներ» Ա. Առնաուդյանի և Գ. Բեդիրյանի հեղինակած «Մաթեմատիկա տանը և դպրոցում» գրքից են: Այն 6-9 տարեկանների համար նախատեսված ձեռնարկ է: Գրքի 1-ին մասը հրատարակվել է 2008 թվականին, 2012 թվականին հրատարակվել է 2-րդ մասը «Էդիթ Պրինտ» հրատարակչությունում: Սույն ձեռնարկը նախարարության կողմից երաշխավորված չէ: Այն ո՛չ դասագիրք է, ո՛չ մեթոդական նյութ է, ո՛չ էլ՝ ուսումնաօժանդակ նյութ»:

Այսօր ՖԲ սոցիալական ցանցում ակտիվիստ Սուրեն Սահակյանը տեղադրել է գրքի շապիկը, որին պարզ գրված է, որ ձեռնարկը երաշխավորել է ԿԳՆ-ն: