Մոնսերատ Կաբալիեն արցախյան համերգի ժամանակ կատարել է Կոմիտասի «Կռունկը»

Երեկ երեկոյան Ստեփանակերտի Վերածննդի հրապարակում կայացել է իսպանացի հանրահայտ օպերային երգչուհի, ՄԱԿ-ի Խաղաղության դեսպան, ՅՈՒՆԵՍԿՕ-ի Բարի կամքի դեսպան Մոնսերատ Կաբալիեի համերգը՝ «Հանուն խաղաղության և Արցախի բարգավաճման» խորագրով։

Համերգին մասնակցում էին նաև Մոնսերատ Կաբալիեի դուստրը` ճանաչված սոպրանո Մոնսերատ Մարտին, իսպանացի տենոր Ջորդի Գալանը և դաշնակահար Ռիկարդո Էստրադան: Համերգի ընթացքում հանրահայտ օպերային երգչուհին դստեր և Ջորդի Գալանի հետ կատարել է նաև Կոմիտասի «Կռունկ» երգը:

Միջոցառմանը ներկա են եղել ԼՂՀ նախագահ Բակո Սահակյանը, Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, վարչապետ Արայիկ Հարությունյանը, պաշտոնատար այլ անձինք։