Կդիմեմ իմ նախագահի միջամտությանը. խաբված ռուս բնակիչը զգուշացրեց Սերժ Սարգսյանին. news.am

NEWS.am-ը հայտնում է, որ «Տոնուս» ՍՊԸ-ի կողմից խաբված բնակիչներին, որոնք այսօր՝ սեպտեմբերի 16-ին, վաղ առավոտից հավաքվել են Պռոշյան փողոցում գտնվող կառավարական առանձնատների մոտ, մոտեցավ նախագահ Սերժ Սարգսյանը և խոստացավ զբաղվել նրանց խնդրով ու երկու օրվա ընթացքում պատասխան տալ:

«Մենք «Տոնուսի» բնակիչներն ենք, պարո'ն նախագահ, որոնք 10 տարի խաբված էս վիճակով, ում ասես դիմել են, Ձեզ էլ նամակով մի քանի անգամ դիմել ենք: Էս ժողովուրդը չգիտի՝ ում հավատա: Սստելով, խաբելով որքա՞ն կարելի է, մենք մե՞ղք չենք, պարո'ն նախագահ, մեր հույսը Դուք եք»,- վրդովված ասաց բնակիչներից մեկը:

Սերժ Սարգսյանը հավաքվածներին խնդրեց հանգիստ խոսել. «Մեղադրական տոնով մի' խոսեք: Դուք մասնավոր պայմանագիր եք կնքել, բնակարանները վերցրել եք»:

«Տոնուս» ՍՊԸ-ից խաբված` Ռուսաստանի քաղաքացի Ելենա Լոգինովան ընդհատեց նախագահին՝ ասելով, որ ինքը Ռուսաստանի քաղաքացի է, տուն է գնել «Տոնուս»ից, սակայն 3 երեխաների հետ այժմ անտուն է մնացել: «Ես «Եդինայա Ռոսիա» կուսակցության անդամ եմ, տուն եմ գնել Երեւանում, Հայաստանի քաղաքացիություն եմ ստացել, ինձ ասացին՝ բարի գալուստ Հայաստան, սակայն ինձ խաբեցին, իմ երեխաները հիմա ապրելու տեղ չունեն: Ես խնդրում եմ քայլեր ձեռնարկել»,- նախագահին դիմեց ռուս կինը:

Մանրամասներն` այստեղ: