Բռնության կոչեր անողները կարժանանան ոստիկանության, իրավապահ կառույցների կոշտ միջամտությանը. Վալերիյ Օսիպյան

Ոստիկանության պետ Վալերիյ Օսիպյանը կառավարության նիստից հետո լրագրողների հետ խոսեց վարչապետի  հանձնարարության մասին՝ ավելի կոշտ լինել օրինախախտների և բռնության կոչ անողների նկատմամբ: Ըստ նրա` իր ղեկավարած գերատեսչությունը կկատարի իր վրա դրված պարտավորությունը:

Ինչ վերաբերում է վարչապետի հայտարարած՝ սևազգեստ մարդկանց մասին օպերատիվ տեղեկատվությանը, ոստիկանության պետն ասաց, որ իրենք ունեն համապատասխան տեղեկություն, որը հրապարակման ենթակա չէ, սակայն չպետք է վախենալ` Հայաստանն ապահով երկիր է: 

Լրագրողներին հարցին, թե ովքե՞ր են «սևազգեստ մարդիկ», Օսիպյանը պատասխանեց. «Օպերատիվ տեղեկությունները ենթակա չեն հրապարակման»: