Վարչապետը ոչ թե զգուշացրեց, այլ հորդորեց

ՀՀ վարչապետի` նախօրեին ԱԺ ամբիոնից հնչեցրած միտքը, թե «ով մեզ հետ չէ, կկանգնի կոտրած տաշտակի առաջ», ԱԺ հանրապետական պատգամավոր Արտակ Զաքարյանը ո'չ զգուշացում է համարում, ո'չ էլ սպառնալիք:

Ըստ նրա` դա փոխաբերական իմաստով ասված խոսք է, քանի որ մենք ունենք 74 կուսակցություն եւ սահմանափակ մանդատով ԱԺ, եւ, հաշվի առնելով մի շարք գործոններ` այդ 74-ից շատ քչերը կարող են քաղաքական պայքարում հաջողություններ ունենալ:

«Սա կարելի է դիտել որպես ուղերձ, որպես խորհուրդ, որպես հորդոր եւ ճանապարհ` համագործակցության: Իսկ նրանք, ովքեր կգնան հակասությունների կամ հակադրությունների ճանապարհով, այո, իհարկե, փոխաբերական իմաստով, կարող են հայտնվել նաեւ Պուշկինի հեքիաթի կարգավիճակում»,- պարզաբանեց նա: