Թուրքերը դեմ են «Հատումը» ֆիլմին, բայց ցանկանում են ցուցադրել «Արարատ»-ը

Հիշեցնելով Վենետիկի 71-րդ կինոփառատոնում մրցանակի չարժանացած` Հայոց ցեղասպանության մասին պատմող Ֆաթիհ Աքընի «Հատումը» ֆիլմի մասին՝ թուրքերը քննարկում են այն ցուցադրելու հարցը:

Ըստ Haberturk-ի՝ թուրքերը չեն ցանկանում, որ «իբրև թե ցեղասպանության» մասին պատմող ֆիլմը ցուցադրվի կինոսրահներում: «Հատումը» նաև արթնացրեց 2002 թվականին Ատոմ Եգոյանի «Արարատ» ֆիլմի մասին Թուրքիայում ծագած բանավեճերը, երբ Սեբահաթթին Չեթինը մերժել էր այն ցուցադրել՝ պատճառաբանելով մարդկանց համաձայն չլինելն ու բոլոր հնարավոր ոտնձգությունները:  Սակայն, չնայած բոլոր բանավեճերին, «Արարատ»-ը ցուցադրվել էր Kanaltürk հեռուստաալիքով, երբ 2006 թվականին քվեարկության արդյունքում մեծամասնությունը կողմ էր եղել:

Այժմ Սեբահաթթին Չեթինը, հայտնելով, որ «Թուրքիան հին Թուրքիան չէ», ցանկություն է հայտնել «Արարատ»-ը ցուցադրել կինոսրահներում: