«Ազգային կինո» մրցանակը` «Ադրբեջանն էթնոնիմի փնտրտուքում» ֆիլմին

«Հայկական կինոյի զարթոնք» կինոկենտրոնի նախագահ Արմեն Ահարոնյանը տեղեկացնում է, որ «Հայկական կինոյի զարթոնք» կինոկենտրոնի խորհուրդը «Ազգային կինո» մրցանակն է շնորհել «Ադրբեջանն էթնոնիմի փնտրտուքում» վավերագրական ֆիլմին:

Ֆիլմը պատմում է Ադրբեջանի ազգային փոքրամասնությունների աղետալի վիճակի, ինչպես նաև նրանց նկատմամբ կառավարության հանցավոր քաղաքականության մասին: Մրցանակը ֆիլմին շնորհվել է Կովկասի բնիկ ժողովուրդների ազգային խնդիրները վերհանելու և հանրության դատին լավագույնս ներկայացնելու համար:

Ի դեպ, ֆիլմի պրեմիերան տեղի է ունեցել 2013-ի դեկտեմբերին Ստեփանակերտում: Ֆիլմում ներկայացվում է, որ Ադրբեջանի պատմության հիմքի փնտրտուքներն արդեն սկսել են հանգեցնել այս պետության քաղաքացիների գիտակցության մեջ «տեկտոնական տեղաշարժի»` այսօր Ադրբեջանի բնակիչները չգիտեն` իրականում ո՞ր ազգի ներկայացուցիչն են իրենք, ի՞նչ արմատներ ունեն: Ֆիլմում տեղ են գտել նաև Վանգայի կանխագուշակումներն այն մասին, թե ինչպես է նա 1993-ին Ադրբեջանին` որպես պետության, 30 տարի ժամանակ տվել: