Թուրքերը հրաժարվել են ցուցադրել Հայոց ցեղասպանության մասին պատմող ֆիլմը

Ֆաթիհ Աքընի Հայոց ցեղասպանության մասին պատմող «Հատումը» ֆիլմի ցուցադրումը թուրքերը հետաձգել են մինչև դեկտեմբեր:

Ըստ Haberler-ի՝ ֆիլմի պրեմիերան նախատեսվում էր Filmekim-ի ծրագրում, սակայն այն չցուցադրելու որոշում է կայացվել: Ստամբուլի մշակույթի և արվեստի հիմնադրամն այդ մասին հանդես է եկել հայտարարությամբ` պնդելով, որ այդ որոշումը քաղաքական չէ: Որպես ֆիլմի չցուցադրման պատճառաբանություն` նշվում է, թե ֆիլմի թրեյլերը նախատեսվել է ցուցադրել հոկտեմբերի 17-ին, իսկ պրեմիերան կատարել դեկտեմբերին: Դրանց միջև եղած 2 ամսվա տարբերությունը պատճառաբանելով՝ ֆիլմը հանել են ծրագրից:

Նշենք, որ Ֆաթիհ Աքընը հայտնել էր, որ «Հատումը» ֆիլմը առաջինը կցուցադրվի Թուրքիայում: