ՀԱՄԱՍ-ը հրաժարվել է երկարաձգել Իսրայելի հետ հաստատված հրադադարը

ՀԱՄԱՍ շարժումը չի պատրաստվում երկարաձգել Իսրայելի հետ գործող հրադադարը. Այդ մասին  հայտնել են շարժման երկու բարձրաստիճան ներկայացուցիչ. գրում է РИА Новости-ն:

«Մենք դիրքորոշում ունենք,  հրաժարվում ենք երկարաձգել հրադադարը, դա մեր վերջնական որոշումն է: Իսրայելը ոչինչ չի առաջարկել»,- հայտարարել է ՀԱՄԱՍ-ի ներկայացուցիչներից մեկը եգիպտոսցի միջնորդների հետ հանդիպումից հետո։

Ուրբաթ առավոտյան ծայրահեղականները Գազայի հատվածից երկու հրթիռ են արձակել Իսրայելի հարավի ուղղությամբ՝ խախտելով հրադադարի պայմանները:

Հիշեցնենք, որ հինգշաբթի ՀԱՄԱՍ-ն ու Իսրայելը Կահիրեում բանակցությունների ժամանակ չեն կարողացել պայմանավորվել օգոստոսի 5-ին հայտարարված հրադադարը երկարաձգելու շուրջ։