Պարսից ծոցում հաստատված հրադադարը փխրուն է․ ՄԱԿ-ի գլխավոր քարտուղար

ՄԱԿ-ի գլխավոր քարտուղար Անտոնիո Գուտերեշը հայտարարել է, որ Պարսից ծոցում գործող հրադադարը մնում է «չափազանց փխրուն» և կարող է վերածվել լայնածավալ պատերազմի։ 

«Թույլ տվեք անդրադառնալ Պարսից ծոցի տարածաշրջանին, որտեղ հրադադարն ավելի շատ նման է կրակի ինտենսիվության նվազեցման, ինչպես տեսանք վերջին 48 ժամվա ընթացքում հարձակումների սրման և ռազմատենչ հռետորաբանության մեջ»,- ասել է Գուտերեշն՝ ընդգծելով, որ տարածաշրջանի մի քանի երկրներում քաղաքացիական անձինք և քաղաքացիական ենթակառուցվածքներ են ենթարկվել հարձակումների, իսկ Հորմուզի նեղուցում նավագնացության սահմանափակումները անկայունություն են առաջացնում ամբողջ աշխարհում՝ նպաստելով էներգակիրների գների բարձրացմանը, մատակարարման շղթաների խաթարմանը։

«Մենք չպետք է թերագնահատենք այն ռիսկը, որ այս լռությունը կարող է կրկին վերաճել լիարժեք հակամարտության»,- նշել է նա։