Մոսկվայի դատարանը որոշել է չերկարաձգել Հրաչյա Հարությունյանի կալանքը

Մոսկվայի քաղաքային դատարանի նախագահությունը որոշել է չերկարաձգել Հրաչյա Հարությունյանի կալանքի ժամկետը, ով մեղադրվում է մարդատար ավտոբուսի հետ բախման հետևանքով 18 մարդու մահվան պատճառ հանդիսանալու մեջ. հայտնում է ИТАР-ТАСС-ը:

Նախագահությունը որոշ խախտումներ է հայտնաբերել Տվերի դատարանի ՝ 2013-ի դեկտմբերի 13-ի որոշման մեջ, և նյութերն ուղարկվել են վերանայման:

Դատարանի դեկտեմբերյան որոշումից հետո Հ. Հարությունյանի կալանքի ժամկետը բազմիցս երկարաձգվել էր: 

Հիշեցնենք, որ անցյալ տարվա հուլիսի 13-ին Մերձմոսկվայում Հրաչյա Հարությունյանի վարած բեռնատարը բախվել էր ուղեւորատար ավտոբուսին, ինչի հետեւանքով զոհվել էր 18 մարդ: Հարությունյանը հրաշքով էր փրկվել: Նա մեղադրվում է «ճանապարհային երթևեկության կանոնների խախտման մեջ, որը բերել է անզգուշությամբ երկու և ավելի մարդկանց մահվան»: