Մոսկվայի դատարանը օրինական է ճանաչել Լևոն Հայրապետյանի կալանքը

Մոսկվայի քաղաքային դատարանը օրինական է ճանաչել  հայազգի գործարար Լևոն Հայրապետյանի կալանքը, ով մեղադրվում է փողերի լվացման մեջ: 

Այսպիսով՝ Բասմանի դատարանի որոշումն անփոփոխ է մնում: 

Հայրապետյանի փաստաբան Հենրի Ռեզնիկը  հայտարարել է, որ Հայրապետյանի առողջական վիճակը թույլ չի տալիս նրան կալանքի տակ գտնվել. նա տառապում է մի շարք հիվանդություններով՝ սրտի ռիթմի խախտմամբ, քաղցկեղով և երկու անգամ ուղեղի կաթված է տարել:  Նաև նշել, որ նման հոդվածի համար (ՌԴ ՔՕ 174.1) կալանք չի նախատեսվում և հավելել է, որ դա հզոր պատվերի  հետևանք է: 

Նշենք, որ Հայրապետյանը դատական նիստին մասնակցել է մեկուսարանից՝ տեսակապի միջոցով: Նա  խնդրել է, որ նիստն անցնի առանց իր ներկայության, սակայն դատարանը վճռել է, որ նրա ներկայությունը պարտադիր է: