Հրաչյա Հարությունյանի փաստաբանը բողոքարկել է Մոսկվայի դատարանի դատավճիռը

Պոդոլսկում անցյալ տարի տեղի ունեցած վթարի մասնակից Հրաչյա Հարությունյանի փաստաբանը բողոքարկել է դատավճիռը. հայտնում է РИА Новости-ն:

«Մենք բողոքարկել ենք դատավճիռը Հարությունյանին 327 հոդվածով մեղավոր ճանաչելու մասով («գիտակցաբար կեղծված փաստաթղթերի օգտագործում»), այդ հանցանքը նա չի գործել, մենք այդ մասով արդարացնող դատավճիռ ենք խնդրում», - ասել է նրա փաստաբան Ռուբեն Մարգարյանը:

Հիշեցնենք, որ Տրոիցկի դատարանը  6 տարի և 9 ամիս ազատազրկման է դատապարտել «ԿԱմԱԶ» մեքենայի վարորդ Հրաչյա Հարությունյանին 

Հարությունյանի մեղքն ամբողջությամբ ապացուցվել է. նա մեղադրվում է ճանապարհային երթևեկության և տրանսպորտային միջոցների շահագործման կանոնների խախտման մեջ:   Դատավճռում նշվում է,  որ Հարությունյանը տեղյակ է եղել «ԿԱմԱԶ»-ի արգելակման համակարգի անսարքության մասին: Հարությունյանը չի կարողացել վերահսկել մեքենան և ստեղծել է վթարային իրավիճակ, ինչը հանգեցրել է ավտովթարի և զոհերի:  

 Հիշեցնենք, որ անցյալ տարվա հուլիսի 13-ին Մերձմոսկվայում Հրաչյա Հարությունյանի վարած բեռնատարը բախվել էր ուղեւորատար ավտոբուսին, ինչի հետեւանքով զոհվել էր 18 մարդ: Հարությունյանը հրաշքով էր փրկվել: