Հայտնաբերված նոր մոլորակը զարմացրել է աստղագետներին

Ամերիկացի գիտնականները հայտարարել են, որ հեռավոր գալակտիկայում հայտնաբերել են ժայռոտ մոլորակի նոր տեսակ, որի վրա կենսաբանական կյանք կարող է գոյություն ունենալ: Այս մասին հայտնում է BBC-ն:

«Կեպլեր-10c» և «Մեգա Երկիր» անունները ստացած մոլորակի զանգվածը 17 անգամ գերազանցում է Երկիր մոլորակինը, իսկ տրամագիծը 3 անգամ ավելի մեծ է:

Աստղագետներն իրենց զարմանքն են հայտնել այն առթիվ, որ այդքան ծանր մոլորակը կարողացել է ամբողջական մնալ` չկորցնելով իր մթնոլորտը և չվերածվելով գազային հսկայի, ինչպես, օրինակ, Յուպիտերը:

Համարվում է, որ «Կեպլեր-10c»-ն ավելի քան 2 անգամ հին է Երկրից, այն մոտ 11 միլիարդ տարեկան է: