Անվանի կինոպրոդյուսեր Ռուբեն Դիշդիշյանը Սպիտակի երկրաշարժի մասին ֆիլմ կնկարահանի

Ռուսական «Ցենտրալ Փարթնըրշիփ» ընկերության հիմնադիր Ռուբեն Դիշդիշյանը Սպիտակի երկրաշարժի մասին ֆիլմ է նկարահանելու: Այս մասին տեղեկանում ենք filmpro.ru-ից: Ֆիլմը կոչվելու է «Մի երկրաշարժի պատմություն», գլխավոր դերում հանդես է գալու Վլադիմիր Մաշկովը:

Ֆիլմը մի երիտասարդի` Ռոբերտի մասին է լինելու, որի ծնողները մահացել են` հայտնվելով սեփական տան փլատակների տակ, որը փլուզվել էր ռուս շինարարների անբարեխիղճ աշխատանքի հետևանքով: Սակայն ուշագրավ է այն փաստը, որ դժբախտության գլխավոր մեղավորին` ռուս ճարտարապետին, դատարանն արդարացնում է, իսկ Ռոբերտին սպասվում է դառը ճակատագիր` նախ` մանկատուն, հետո` բանտ:

Ի դեպ, Դիշդիշյանի ֆիլմը կյանքի է կոչվել ՀՀ-ի և ՌԴ-ի առաջին հեռուստաընկերությւոնների, ինչպես նաև «Շառլ Ազնավուր» հիմնադրամի աջակցությամբ:

Դիշդիշյանը «Մենամարտ ստվերի հետ», «Տարաս Բուլբա», «Լիկվիդացիա» և այլ հայտնի ֆիլմերի պրոդյուսերն է: