Աշոտյանը սիրում է...

ԿԳ նախարար Արմեն Աշոտյանը ֆեյսբուքյան իր ընկերներին ներկայացրել է իր գրած բանաստեղծությունը, որը ներկայացնում ենք ստորեւ:

Սիրում եմ …

Ես սիրում եմ հայացքդ թախծոտ

Եվ աչքերդ` այնքան արևոտ:

Ես սիրում եմ քայլերդ անձայն,

Երբ հոգնած ես լինում ու մռայլ:

Ես սիրում եմ շուրթերդ ժլատ

Եվ քո խանդը` դաժան, անհավատ:

Ես սիրում եմ քո շողքը որսալ

Ամենուր, ամենքում, ամեն ժամ:

Ես սիրում եմ ձեռքերդ ճկուն

Եվ ժամերն, երբ սպասում եմ անքուն:

Ես սիրում եմ արցունքդ մանկան

Եվ ժպիտդ, այնքան գերբնական:

Ես սիրում եմ համբույրդ թաքուն

Որ հոգիս դարձնում է թռչուն:

Քեզ սիրում եմ երբեմն ատել

Եվ ընդմիշտ քո մասնիկը լինել:

Երբ գալիս է նորից առավոտ,

“Ես սիրում եմ” դառնում է աղոթք,

Որ պատրաստ եմ անվերջ կրկնել:

Ես սիրում եմ այդ բառը` ՍԻՐԵԼ:

Ա. Ա.